9 Outubro
Hoxe ensineilles aos nenos as novas libretas axendas deste curso que comprei onte. De momento hoxe só escribimos cada un o seu nome para pegarllelos. Aínda nos falta poñer as fotos, decoralas e preparalas por dentro. Ata a próxima semana non as levaremos para casa.
Velaquí algunhas das rematadas , que ben escriben os seus nomes!
Despois fixemos unha actividade moi molona. Fumos buscar follas ao patio para facer un obradoiro de estampación de follas. Cada equipo levaba unha bolsa para encher con follas do chan e despois na aula Mari e eu axudamos a seleccionalas e repartilas. preparamos as mesas e remangamos os mandilóns e ala fumos. As cores en témpera coas follas usadas nesa cor foron rotando polos equipos e así todos puidemos usar distintas follas e as tres cores: laranxa, vermella e amarela.
E tras a merenda vimos un vídeo que me encanta e quería compartir con eles. Chámase "Adventures of a Cardboard Box" e amosa a imaxinación dun neno para transformar unha caixa de cartón en centos de cousas, escenarios e personaxes diferentes. Tan solo precisa a caixa, a súa irmá e algunha cousiña da casa para pasar tardes increíbles sen aburrirse! Ademais a música é preciosa. O final do vídeo queda aberto, para que cada un pense o que cre.
A eles gustoulles moito, así que tedes que velo:
Que contenta chegou Aroa a casa coa sua libreta. Nos dixo "pechalos ollos que teño unha sorpresa¡¡¡", super contenta¡¡¡
ResponderEliminarLas libretas quedaron geniales y el día que pintaron lo recuerdo muy bien. Ángel vino contentísimo y súper manchado. Menos mal que salió la pintura de la ropa. Uff. Es lo que tiene la diversión. Jeje
ResponderEliminar