OLA DECEMBRO, XA OLES A INVERNO

Artistas musicais

Esta semana comezamos xa coas panxoliñas que imos cantar no Festival de Nadal do cole! 

Esta canción é a que cantaremos todos xuntos ao final do Festival.
Chámase ¡¡Xa me tardan estes magos!! , do grupo MAMÁ CABRA, e podedes escoitala aquí:

Actividades varias

- Envasarte

As mamis continuaron a colaborar na construción da nosa obra de arte para o concurso. Pegamos xa as columnas da ponte e puxemos as cordas! Ademais os nenos pintaron caixiñas de cartón para facer os coches para poñer ca carretera da Ponte de Rande.

Despois de rematalo todo sacamos as fotos fóra e subímolo á páxina web. 

- Educación Emocional

Seguimos co traballo das emocións e hoxe tocou falar da alegría. Co sombreiro de pensar contaron o que a cada un lle fai estar alegre e contento e despois debuxárono en pequenos folios e os mini dibus usámolos para facer un libriño "O que nos fai  estar contentos",  que gardaremos na nosa biblio de aula.

- Conto de nadal: O Crebanoces!

Aproveitando estas datas, coñecimos o famoso conto clásico El cascanueces y el rey de los ratones, de Ernst Theodor Amadeus Hoffmann  versionado en especial para nenos neste video. O conto orixinal foi adaptado para representarse como ballet en teatros cunha banda sonora única composta por Chaikovski. Estrenouse en 1892 e desde esa continúa a representarse hoxe en moitas cidades de todo o mundo por diferentes compañías.

De feito se queredes velo en directo, o Venres 20 de decembro estará en Vigo, no Auditorio Mar de Vigo.